Jowai: Ka Semi Final wa le ka Super Division ka wow jied ya ka dhab khaddooh wow psiah Final da pynman ya ka ynne ka sngi hapyrdi ka 7 Wasa waka Sohmynting.
Ka Sohmynting da yoh ko u pynkhih chwa ya ka jar pyn ha ka minit wa 2 da ka kool u Rimilonglem Langshiang katwa ka 7 Wasa da ye ko u su kylliang ha ka minit wa 33 da ka kool u Chandra Pakyntein ha ka minit wa 33. Kamtæ ka kylla step da kut ko mar chi kool.
Ha ka kylla miet, u Chandra Pakyntein da yoh biang u thap sa chi kool ha ka minit wa 56 yow pyntam ya ka 7 Wasa da 2-1, tangwa ha ka minit wa 70 ka Sohmynting da thap biang ko sa chi kool lyngba u Rimilonglem Langshiang yow pynwan mar 2 kool.
Du 4 minit hadien, ka 7 Wasa da thap ko sa chi kool na u Pynishai Lathong ha ka minit wa 74. Kamtæ ka 7 Wasa da jop ko da 3-2.
Ya ka yakhun Final u pynman ha ka 8 tarik uni u bnai heipor chi waje i sngi hapyrdi ka Khimusniang waka 7 Wasa.
Mynstep ka 6 tarik won u sdang ki yakhun Quarter Final ka 3rd Division heiwa heipor 12 waje pyrdi sngi ka Khliehmoochut Shangpung u yachem ko waka Newhill, pynbood won sa ka Wahiajer pyrchah ya ka Mooknor Thadmuthlong heipor 2 waje.
Discussion about this post