Ampati: Ka yakhun Semi Final yong ka Meghalaya State League (MSL) wa pynman ha Ampati ynnin ka sngi hapyrdi ka 7 Wasa waka Druma Sandruma man ko kawa yoosuk bha heiwa ka Druma Sandruma emkaam ko u jop ko da 4 kool la nod yow yoh ko u psiah cha ka Final.
Ka Druma Sandruma da jop ko da 4-2 tangwa da dooh ko u psiah Final neibhah hawa kheiñ lang ki kool waroh da jop ka 7 Wasa da 6-5 heiwa ha ka Semi Final nyngkong wa pynman ha Jowai ka 7 Wasa da jop ko ya ka Druma Sandruma da 4-1.
Ki kool ka Druma da thap u Trumen Marak, u Sengstar Marak, Misorsing Maraj wa u Jacky Sangma.
Ya ki kool ka 7 Wasa pyn ar da thap u Niwan Gatphoh.
Ha kawi tawon ka Semi Final wa pynman ynnin ha Mairang hapyrdi ka Tynrongmawsaw waka Langsning da kut ko 0-0 wei da ini ka Tynrongmawsaw da yoh ko u psiah Final hawa kheiñ ya ki Away Goals.
Discussion about this post