Ha ka yakhun Semi Final wa nyngkong yong ka 1st War Jaiñtia Invitation Football Tournament 2025, ha madan Amsohkrut Amshipai, Amlarem Civil Sub-Division ha ka 7 tarik uni u bnai hapyrdi ka Amlarem Social Club, War Jaiñtia Region pyrchah ya ka Lamyrsiang Sports Club, Saipung Block Area; ka Amlarem Social Club War Jaiñtia da pynrem ko ya ka Lamyrsiang Sports Club, Saipung Region da 2-0 kiwa thap da u Tip Rasmut ha ka minit wa 58 katwa u Iaiddakyrmen Jungai won da thap u ha ka minit wa 78.
Kamtæ lyngba ini i jop, ka Amlarem Social Club, War Jaiñtia da yoh ko u psiah cha ka Final kawa daw man ha kani hi ka jooh ka madan ha ka 17 tarik uni u bnai.
Neitæ ka yalehke Semi Final wa ar won u man ko ha ka 10 tarik hapyrdi ka Padu United Sports Club, kawa man ka Champion Second Division ka ASSA pyrchah yaka Syndai Pyllun SC.
Ka liang wa jop ha katai ka sngi u yachem Final ko wa ka Amlarem Social Club dei wow knieh yei naam jop yong kani ka 1st War Jaiñtia Invitation Football Tournament 2025.
Discussion about this post