Ki yalehke yong ynne ka 26 tarik ha ka lympung Cricket ka Seiñraij Niamtre Ummulong kawa tip kam ka Ram Sing Lamare Cricket Tournament Cup 2021, da pynman ya ki yalehke Semi Final hapyrdi ka Chiruplang pyrchah ya ka Staunch katwa ka 4-Mowkaiaw United da yachem ko waka Loomsoo Yung Ummulong.
Ha kini ki yakhun, ki yalehke da man ki kawa yoosuk bha heiwa waroh ki liang da yaleh ki wow pynyoo yei sap yong ki wei hawa kut ka Chiruplang da jop ko da 9 wicket yaka Staunch katwa ka Loomsoo Yung Ummulong da jop ko ya ka 4-Mowkaiaw United da 4 Wicket.
Uwa boon dooh wa kamai Run toh u Heimon Dkhar uwa da yoh 43 Run na ka Chiruplang, u Bale Pynshai da yooh u 14 Run katwa u Pyndaplin Myrchiang da yoh u 23 Run na ka Loomsoo Yung Ummulong
Kiwa kawang bol wa ye u pynhaap boon Wicket dooh toh u Rohit Rai uwa da yoh pynhaap 4 Wicket naka Chiruplang katwa u Bale Pynshai da yoh u wow pynhaap 4 Wicket wa u Monday Nelson Lamare uwa da yoh pynhaap 3 Wicket na ka Loomsoo Yung Ummulong.
Kamtæ ka yalehke Final u man ko ha ka 1 tarik u Naitung (Apr) 2021 heipor 10 waje i step ha Ummulong Mini Stadium heiwa daw wan sakhilang da u Sniawbhalang Dhar uwa man leh kam u Montri ka sorkar ka jylla deiwa ya emlang u District Sports Officer Ka West Jaiñtia Hills u K. Passah kamjooh wa ki heh sorkar.
Kamtæ da kyrpaad ya ki paidbah wow ya wan sakhilang ha kani ka sngi heiwa ka yalehke Final u man ko hapyrdi ka Loomsoo Yung Ummulong pyrchah yaka Chiruplang.
