Psiah Final ka Dulong waka Iawmulong Nartiang ha ka Independence Cup

Jowai: Ynne ka sngi ha ka Independence Day Cup Under-16 Tournament 2018, da pyndep ya ki yalehke Semi Final wa ar tylli hapyrdi ka Dulong waka Mukhla Raij wa hapyrdi ka Iawmulong Nartaing pyrchah ya ka Ladthadlaboh.

Ha ka Semi Final wa nyngkong, ka Dulong da pynrem ko ya ka Mukhla Raij da 3-1.

Ka Mukhla Raij da yoh ko u thap kool nyngkong ko ha ka minit wa 9 lyngba u Raplang Shylla tangwa ka Dulong won da yoh ko u su kylliang le tylli ki kool ha ka minit 31 wa 35 wa thap da u Samchaphrang Lato wa u Tremiki Lamurong da ka Penalty ha ka minit wa 53.

Related posts

Kitbok ka EJDCA ya u Kishan Lyngdoh wa da chah jied biang u wow mihkhmat ya ka North East Zone

August 4, 2026

3rd Division EJHDFA: Jop ka Borghat, ka Dongumsngad wa ka Umstain

August 4, 2026

Ha ka Semi Final wa ar won, ka Iawmulong Nartiang da pynrem ko ya Ladthadlaboh da 3-1.

Ya ka kool wa nyngkong ka Iawmulong Nartiang da thap bakla pyn da uwa yalehke ka Ladthadlaboh u Danial Theite wa 33, u Jermiki Lamare da thap u ha ka minit wa 40 wa u Syngkli Challam da thap u ha ka minit 56. Ka Ladthadlaboh da yoh u su chi kool lyngba u Michael Litting ha ka minit wa 58.