15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Psiah Final ka FAM waka Chilliangraij haka Republic Day Cup ka WJDSA

0 Comments

Jowai: Ka 7th Republic Day Cup Under-12 Football Tournament 2020 wa pynman da ka WJDSA, ynne ka sngi da poi ko cha ka yakhun Semi Final kiwa da pynman artylli ha madan Kiang Nangbah ynne ka sngi.

Haka yakhun Semi Final wa nyngkong, ka FAM da jop ko yaka Demthring da 2-1. Ka FAM da thap nyngkong ko ya ka kool haka minit wa 11 lyngba u Da-e Kyrpang Phyrngap tangwa ka Demthring da yoh ko wow su kylliang da ka Penalty wa chut u Givenson Suting haka minit wa 40. Ka FAM da ye ko wow pyntam chi kool chwa wow kut ka yalehke haka minit wa 50 da ka kool na u John Viano Bamon.

Advertisement ad1

Haka Semi Final wa ar wa pynman hapyrdi ka Chilliangraij waka Mookymphad, ka Chilliangraij da jop ko da chi kool kawa thap u Iakisalanmi Lanong haka minit wa 20.

Yaka yakhun Final u pynman haka 26 tarik kawa man leh ka Republic Day heipor 01:00 i sngi heiwa u DC ka West Jaiñtia Hills u Garod L.S.N. Dykes daw wan u kam u kongson heiwa daw emlang leh u Khroobok Passah, District Sports Officer West Jaiñtia Hill District, Jowai kam u symbood kongsan.

Previous
Next

0 Comments

Leave a Reply