Jowai: Ka WJDSA ynne ka sngi da pynman ko ya artylli ki yakhun Semi Final ha ka kyrdan Super Division heiwa heipor 11:30 ka 7 Wasa da yachem ko waka Chutwakhu.
Ha kani ka yalehke, ka kylla step da kut ko khlem em wa yoh u thap kool katwa ha ka kylla miet ka 7 Wasa da pynyoo ko yei bor yong ka heiwa da neh ka bol du chilliang madan heiwa ka Chutwakhu da yaleh ko katwa ye u khanglaad ya ka 7 Wasa u thap kool.
Ha ka minit wa 70 ka 7 Wasa da yoh ko u thap kool lyngba u James Gary Tongper wei da thap ki sa artylli ki kool ka wi hadien ka wi ha ka minit wa 74 da u Samehi Ryngki wa u Belonia Lywait ha ka minit wa 76.
Ka Chutwakhu da yoh ko u su kylliang chi kool ha ka minit wa 90+3 da ka kool u Kyrmen Shylla. Kamtæ ka 7 Wasa da jop ko da 3-1.
Ha ka Semifinal wa ar won, ka Khimusniang da pynrem ko ya ka Sohmynting da 2-0 wei ya ki kool da thap u Amazing Paslein ha ka minit wa 9 wa 60.
Na ini i jop, ka Khimusniang da pisah Final katwa ka 7 Wasa waka Sohmynting won daw yachem ki ha ka 5 tarik heipor 2 waje i sngi ha ka Semi Final wa le yow jied ya ki wow psiah Final.
Ha ka 4 tarik won daw em ki yalehke ka 3rd Division heiwa ka Caroline u yachem ko waka Salini heipor 12:o0 pyrdi sngi, katwa heipor 2 waje won ka Evergreen Muklha u yachem ko waka Mookyndur.
Pyn-ar kini ki yalehke toh wow yaknieh psiah Quarter Final.
Discussion about this post