Jowai: Ka lehkmen College Week ka Kiang Nangbah Govt. College (KNGC) ynnin ka chi tarik da poi ko cha wa kut kawa sdang nadooh ka 24 tarik u Khonchonglad (Nov) heiwa da wan pynhiar pyrda ya ka da u Gilbert Sten kam u kongsan uwa man leh kam u kyrtong MLA ka NPP na 4-Mowkaiaw Constituency.
Hei klam yong oo kam u kongsan da kyntu wei da e mynsien u ya ki khynroo khyllood wow tia ki cha khmat khamtam ha ka puræ puthi kawa man kam ka waitlam hei manbru yow poi cha kawon kawon ka thong wa da mang.
Kamjooh u leh da kyntu u ya ki khynroo ki khyllood wa da toh i por wow mih ki cha khmat wow chimbynta ha ka kaam shynchaar khadar khnang wow tei ki ya ka mynried ka ri ha ka luti wa toh.
“I da chah iehbieñ i ha waroh ki liang khamtam ha i nang i stat, i chait i khiah, ki laad yoh kaam yoh jaam wei hapoh ka District da em ka Kiang Nangbah Govt College kawa da dap hadooh 50 snem katni wow chakri u e i stat i tip cha waroh ki khon khynroo khyllood ka District yong i wei iwa sñiawsih toh wa ka College ym biang ko nadooh ki kamra chong Class ki Hostel, Laboratory wa kiwi kiwi kiwa emkaam.” Da ong u Sten.
Ha ki sngi wa dadep ki wa puræ kani ka College da chimbynta chongchit ki ha kiwa boon ki yalehke kam ka Badminton, Chess, ki rwai ki chaad wa kiwi kiwi.
Ha ka sngi wa kut da pynman leh ya ka yakop bha chynrang miat kynthai wa tip kam Prince & Princess ka KNGC heiwa ka Carigmabel Shadap da rah ko yei naam Princess KNGC 2017 katwa u Isynei Dkhar kam u Prince KNGC 2017.
Discussion about this post