Jowai: Ka yalehke Semi Final haka 1st Division League ka East Jaiñtia Hills District Football Association (EJHDFA) wa pynman ynnin ka sngi da sakhi ya i jop lyngba ki yachut Tie-breaker heiwa ka Khliehriat West YWSC waka Thangskai TSC da man ki kiwa yoh u psiah cha ka Final yong ka 1st Division League.
I jop ka Khliehriat West da wan ko hadien wa pynrem ko ya ka Pohmission Sutnga lyngba ka yachut Tie-breaker hadien wa ka yalehke da kut ko mar chi kool heiwa haka yachut Tie-breaker ka Khliehrait West da man ko kawa jop.
Ha ka Semi Final wa bood won hapyrdi ka Mookhaialong SC waka Thangskai TSC, ka yalehke da kut ko khlem em wa yoh u thap kool katwa ha ka yachut Tie-breaker ka Thangskai TSC da mih ko kam kawa jop.
Kamtæ kini ki arliang kiwa jop da yoh ki leh u ku kyrdan cha ka Super Division ka EJHDFA ha u snem wow wan.
Ha kane ka sngi leh da sdang ya ka League Above 35 kawa da yaleh hapyrdi ka Kairang waka Moopala heiwa ka Kairang da jop ko da 2-0.
Discussion about this post