November 16, 2021
Ka Latyrke SC waka Biate United FC da jop ki ha ka Semi Final yong ka 1st Division kawa pynman da ka Saipung Block Sports Association (SBSA) ha madan Lamyrsiang.
Ha ka yalehke hapyrdi ka Latyrke waka Mynthning kawa da pynman heipor 11:30 i step, ka Latyrke da jop ko lyngba i yachut Tie-breaker da 3-1.
Heipor 1:00 waje i sngi, ha ka yalehke hapyrdi ka Biate United FC waka Larket da man ko kawa yoosuk heiwa ha ka kylla miet ka Biate United FC da yoh ko wow pynkhih nyngkong ya ka jaar da uwa yalehke wa sap ya ka Jersey 6 ha ka minit wa 59. Ka Larket da yoh ko wow su kylliang ya katai ka kool lyngba uwa yalehke wa sap ya ka Jersey 7 ha ka minit wa 80 wei kini ki kool da neh ki hadooh wa kut i por. Kamtæ da pynman da ka yachut Tie-breaker heiwa ka Biate United FC da jop ko da 4-3.
Kam wow pynkynmoo wa kini Club waroh ar kitæ ka Latyrke SC waka Biate United FC da yoh ki wow psiah cha ka Super league ha u snem wow wan.
Ya ka Final yong kani ka 1st Division daw pyntip won hadein.
