Ka 2nd U Adelbert Laloo Memorial Trophy kawa man leh ka 3rd Division Football Tournament ka WJDSA, da sdang ko ya ki yakhun Semi Final ynne ka sngi ha madan Kiang Nangbah, Jowai.
Ka yalehke da pynmna hapyrdi ka Maitchaphrang Mootyrchiah waka Madankynsaw Mookyndeng heiwa ka Maitchaphrang da jop ko da 2-1.
Ka Maitchpharang da yoh ko leh wow thap kool nyngkong haka minit wa 13 lyngba u Raymon Sten tangwa ka Madankynsaw da yoh ko wow su kylliang haka minit wa 36 lyngba u Joby Jose Dkhar kawa da neh hadooh wa kut ka kylla step.
Ka kylla miet da lai slem khlem wa em wa yoh u pynkhih ya ka jaar kat hadooh ka minit wa 79 wa thap kool da u Leibor Ymbon kawa da neh hadooh wa kut i por yow pynjop yaka Maitchaphrang.
Ka Semi Final wa bood u pynman myntep ka 21 tarik heipor 3:00 waje i sngi hapyrdi ka Khliehmuchut Shangpung waka Mookyrdup.
