Ka Meghalaya da yoh ko wow psiah Final deiwa wan nadien yoh jop ya ka Punjab 2-1 ha ka Semifinal ka 76th Men’s National Football Championship yong ka Santosh Trophy wa da pynman ha Riyadh, Saudi Arabia ynne ka sngi.
Ka Meghalaya kattu da yang ko wow yakhun Final kawa daw pynman ha ka 4 tarik.
Ka Punjab da thap ko ya ka kool wa nyngkong ha ka minit wa 16 lyngba u Parmjit Singh tangwa ka Meghalaya da su kylliang ko lyngba u Figo Syndai ha ka minit wa 37.
Ha ka kylla miet ka Meghalaya da yoh ko wow pynkhih ya ka jaar ha ka minit wa khaddooh ka yalehke lyngba u Sheen Sohktung deiwa pynchaad bol wa u Donlad Diengdoh chadien chakhmat.
Ka Semifinal wa ar u pynman myntu hi ka miet hapyrdi ka Services waka Karnataka heipor 9:00 waje.
