15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Psiah Final ka Meghalaya haka Sub-Junior National Football Championship

0 Comments
Advertisement ad1
Advertisement ad1

Shillong: Ka Meghalaya da psiah Final ko haka Sub-Junior National Football Championship hadien wa jop ko yaka Bengal da 3-1 ha Kalyani, West Bengal, ynne ka sngi.

Ka Meghalaya da thap kool ko lyngba u Samlang Rympei (16′, 90’+2) wa u Baniatyllilang Mawkhiew (64′) yow jop ko ya kani Semi Final wa nyngkong. Daw yachem ki kattu yaka Arunachal Pradesh haka Final ka wow pynman ha kani ka 2 tarik. Ka Arunachal jop ko yaka Kerala da 2-0 haka Semi Final wa ar.

Advertisement ad1
Advertisement ad1

Ka Meghalaya da yoh ko yaka Penalty haka minit wa 7 tangwa u Samchaphrang Lato ym ye u thap ka deiwa khanglaad uwa yang kool ka Bengal.

Ka Bengal da pynhap biang ko sa chisien ya uwa yalehke ka Meghalaya hapoh ka Box du hadien kattu katni minit heiwa u Rympei da thap ko yaka kool haka minit 16.

Hadooh wa kut ka kylla step, ka Meghalaya da tam ko da 1-0 tangwa haka kylla miet ka Bengal da su kylliang ko haka minit wa 52.

Ka Meghalaya da tne ko arsien ya u dieñ kool chisien haka kylla step wa haka kylla miet tangwa u Mawkhiew haka minit wa 64 da pyntikna u wa psiah ka bol chapoh ka jaar yow pyntam biang yaka Meghalaya da chi kool.

Hadien ini ka Meghalaya da yoh ko ar tylli ki laad wow thap kool tangwa kawi da lai ko charood katwa kawi da khanglaad uwa yang kool. Uwa yang kool ka Meghalaya u Berith Nongbri leh da khanglaad u yaka Bengal kamwa arsien hawa mut ka Bengal wow thap kool.

Ha chwa wow kut ka yalehke, u Rympei da yoh u wow chut yaka bol neiliang tidiang ka madan heiwa uwa yang dien ka Bengal ym yoh u wow chut kylla yaka bol kawa lai chapoh ka jaar. Kani toh ka kool wa 5 u Rympei yaka Meghalaya uwa da man kam u Top Scorer yong ka.

Advertisement ad1

0 Comments

Leave a Reply