Jowai: Ha ka Semi Final wa ar ka 2nd Division kawa tip leh kam ka 3rd Debo Shullai Memorial Trophy wa pynman ynne ka sngi hapyrdi ka Mukhla Evergreen waka Nangbah Sports Association ka Mukhla da jop ko da 2-0.
Ka Mukhla mar ya sdang ka yalehke ha ka minit wa 5 da yoh ko u thap kool lyngba u Shorister Suna wei kani ka kool da neh ko hadooh wa kut ka kylla step. Ha ka kylla miet ha ka minit wa 61 ka Mukhla da thap ko sa chi kool lyngba u Ha-u-ni Bang kawa da neh hadooh wa kut i por.
Kamtæ ka Final u man ko hapyrdi ka Khliehmyntang Ialong waka Mukhla Evergreen ha ka 15 tarik uni u bnai heipor 1:30 i sngi wei daw wan sakhi u Sabor Shullai u MLA ka Shillong South kam u kongsan wa u Ricky Shullai MDC ka KHADC kam u symbood kongsan.
Discussion about this post