Ka Thangbuli Circle wa ka Nongtalang Circle da psiah ki cha ka Final yong ka lympung yalehke kawa tip kam ka 7 Amlarem Constituency Cup kawa da mang pisa da u MLA ka thaaiñ u Lahkmen Rymbui.
Ha kani ka Tournament da pynyalehke da ka League cum Knockout, wa chimbynta da ki 16 tylli ki Gram Sevak Circle, 15 tylli napoh Amlarem Block wa kawi na Thadlaskein Block.
Haka yalehke Semi Final wa pynman ha chnong Lamin ynne ka sngi, ka yalehke da man ko kawa yoosuk wa kawa ya thain bha tangwa ka Thangbuli Circle da jop ko yaka Mupyut Circle da 2-1 lyngba ki kool wa thap u Pdianghun Suting wa u Civility Khongmalai, katwa ya ka chi kool yong ka Mupyut da thap da u Dibormi Kassar.
Yei naam Man of the Match da yoh rah da u Dibormi Kassar yong ka Mupyut Circle.
Ha ka 13 tarik won, ka Semi Final wa nyngkong da jop ka Nongtalang Circle yaka Syndai Circle lyngba ka yachut Tie-breaker hadien wym em wa yoh u pynkhih jaar, kamtæ yow rai ya kiwa jop da pynman daka yachut Tie-breaker heiwa ka Nongtalang Circle da jop ko da 5-4.
Ya i naam Man of the Match ha kani ka yalehke da yoh rah da uwa yang dien ka Syndai Circle u Karlos Pohplet.
Yaka tarik yakhun Final daw pyntip won.
Discussion about this post