Ka 40 Above Veteran Knockout Football Tournament-2022 ka West Jaiñtia District Sports Association (WJDSA), ynne da pyndep ya ki yalehke Semi Final.
Ha ka Semi Final wa nyngkong hapyrdi ka Rympei PIP waka Western United, da jop da ka Rympei da 5-4 deiwa yachut Tie-Breaker hadien wa ka yalehke hadooh wa kut i por da kut ko da 1-1 heiwa ya ka Rympei da thap kool da u Moonlight Byrsat ha ka minit wa 8 katwa ya ka Western United da thap da u Charlie Syiemlieh ha ka minit wa 36.
Ha ka Semi Final wa ar, ka Friends United da jop ko ya ka Mawryngkneng da 1-0 lyngba ka kool wa thap u R. Gurung ha ka minit wa 9.
Ha iwi won i liang, ka Semi Final wa le ka Super Division u pyndep mynstep hapyrdi ka 7Wasa waka Nangbah Mulang heipor 2:00 waje i sngi.
