Ka Tariang FC da yoh ko wow psiah Final deiwa jop ko ya ka Lakashiang FC ha ka Semi Final wa nyngkong yong ka 9th Secondary School Football Knock-Out Tournament 2022-23 wa da pynman ha madan Pdengshakap ynnin ka sngi.
Ha kani ka yalehke, ka Lakashiang FC da yoh ko u thap kool nyngkong haka minit wa 22 lyngba u Shem K. Myndai wa haka minit wa 22 hi lyngba u Living Nongrang katwa yaka Tariang FC won da yoh ko u su kylliang pyn ar tylli lyngba u Shano Tariang haka minit wa 40 wa haka 73.
Kamtæ ka yalehke da neh ko da 2-2 hadooh wa kut i por chwa wow pynman daka yachut Tie-Breaker.
Ha ka yachut Tie-Breaker ka Tariang FC da jop ko yaka Lakashiang FC da 5-4.
Ka Semi Final wa ar won u pynman ha ka 18 tarik hapyrdi ka Umsalait SC pyrchah ya ka One Soul Utd. (Pdengkarong) heipor 2:00 waje i sngi.
