July 24, 2016

Psiah Final ki ar skur na Ri-loom Jaiñtia ha ka lympung Subroto Cup 2016

by Wyrta Staff

0 Comments

Advertisement ad1

Jowai : Ka yukhun ya ka Final yong ka Subroto Cup ha ka kyrdan Under 17 Boys, Under 17 Girls wa ka Under 14 Boys u pynyalehke ya ka mynstep ha JN Complex, Shillong.

Ha ka yakhun wa nyngkong heipor 9.00 waje i step u pynyaleh ya ka Under 17 Girls hapyrdi ka Dkhiah West Secondary School, East Jaiñtia pyrchah ya ka Umthli Secondary School, East Khasi Hills.

dksecsc

Ha ka yalehke wa ar heipor 10.30 i step u pynyaleh ya ka Under 14 Boys hapyrdi ka Iawmei Secondary School East Khasi Hills pyrchah ya ka Mawbrei Thongni Upper Primary School, South West Khasi Hills.

Ha ka yalehke wa khaddooh heipor 12.00 waje i sngi u pynyaleh ya ka Under 17 Boys won hapyrdi ka Government Boys Higher Secondary School, West Jaiñtia Hills pyrchah ya ka H Elias Higher Secondary School, East Khasi Hills.

Neiliang u Wyrta kitbok u ya kini ki ar Dhab na Ri-loom Jaiñtia yow poi ki cha ka thong.