Mawryngkneng: Ka yalehke Semi Final wa ar hapyrdi ka Mawryngkneng CSC wa ka Nongdawah SC da man sakhiat ko kawa yoosuk, kawa pynhun ya ki paidbah wa wan paitke heiwa pyn-arliang toh kiwa yatoh bor bha tangwa hawa kut ka yalehke ka Nongdawah SC da yoh ko ia i naam jop da 2-1.
Hawa kyruiñ cha ka kylla step ka Nongdawah SC da pynkhih jar nyngkong ko lyngba u Bormanik Khyriem ha ka minit 7 katwa chwa u kut ka kylla step, ka Mawryngkneng ha ka minit ba 35 da yoh ko wow su kylliang da kool wa thap da u Smit.
Hawa kyruiñ won cha ka kylla miet waroh arliang da sai ki yei bor i buit yow pyntam uwi ya uwi tangwa dei stat uwa lai khmat ka Nongdawah SC u K. Suchiang ha ka minit 65 da yoh wow khyrwit ka bol kawa chyrkhei bha heiwa kiwa yalehke wa uwa yang kool sah sa du wow pait wow anglyngngoh.
Kamtæ da yoh u leh ya ka naam Player of the Match kawa da saam da u President yong ka Mawryngkneng Cultural & Sports Club u Wostar Mynsong.
Da ini i jop, ka Nongdawah SC daw yakhun pyrchah ko ya ka Hamlen FC na East Jaiñtia Hills District ha ka Final yong kani ka Tournament ka wow pynman ha ka 14 tarik uni u bnai ha ka por 2:30 nohchariñ ka sngi ha madan Mawryngkneng Stadium.
Discussion about this post