Mawryngkneng: Ka Nongdawah SC da jop ko ya ka Pohkseh SC da 3-0 ha ka Quarter-Final yong ka 4th Mawryngkneng Invitation Football Tournament 2018 kawa da man ha kani ka Sngi Thohdieñ ka 20 tarik.
Hawa kyruiñ cha kani ka yalehke hadooh ka kylla step ym em wa thap ya ka kool tangwa hadien, manda poi ka kylla miet du hapoh ar minit ka Nongdawah SC da pynkhih ko ya ka jaar nyngkong ha ka minit wa 42 lyngba u Don Nongkynrih.
Hanla kattæ ka Pohkseh SC da pyrchang ko wow pynuiñ ya kani ka kool wei chwa wa u referee u pynkut u ya ka yalehke ka Nongdawah SC da yoh ko u thap sa ar kool ha ka minit wa 80 bad 80+2 minit lyngba u Arbis Kharkongor iwa da pynman noh ya ka Nongdawah SC wow psiah ko cha ka Semi Final yong kani ka lympung.
Ha kani ka yalehke u Don Nongkynrih yong ka Nongdawah SC da yoh u yei naam Player of the Match wei ya kani ka naam da pynkup da u Manbhabok Lawai.
Ka yalehke Quarter-Final kawa ar u man ko ha ka 28 tarik uni u bnai hapyrdi ka Rangdajied United FC pyrchah ya ka Puriang SC.
Discussion about this post