Jowai: Ka YBSC-II wa ka Wahiajer SC da man ki sa ar tylli ki Club kiwa da psiah cha ka Pre Quarter Final yong ka 4th Mawryngkneng Invitation Football Tournament (MIFT) 2018 ha ka yalehke wa pynman ha ka 18 tarik uni u bnai.
Ini i psiah yong kini ki ar tylli ki dhab toh hadien wa ka YBSC na Shella da pynrem ko ya ka Iaipyrshang XI na Sohryngkham da 2-0 wei ya ki kool yong ka YBSC-II da yoh wow thap da u G. Nongneng wa u B. Chyne ha ka kylla miet yong ka yalehke.
Katwa ka Wahiajer SC na West Jaiñtia Hills won da pynrem ko ya ka Nonghali FC lyngba ka Tie-Breaker da 5-4 hadien wa ka yalehke da kut noh ko khlem wa thap kool.
Ka First Round yong kani ka lympung yalehbol da poi ko cha kawa kut wei ka yalehke wa khaddooh yong kani ka First Round u pynman ha 23 tarik hapyrdi ka Moodymmai SC na West Jaiñtia Hills pyrchah ya ka Gorkha Football Association heipor chi waje i sngi.
Ka Mawryngkneng Cultural & Sports Club da pyntip paidbah ko wa ka yalehke wa nyngkong yong ka Pre-Quarter Final u sdang ko ha ka 23 tarik uni u bnai hapyrdi ka Rangdajied United FC pyrchah ya ka Mawkasiang SC heipor 3 waje janmiet.
Discussion about this post