U MDC ka KHADC na Rambrai-Jyrngam, u Bajop Pyngrope ynne ka sngi da psiah noh u cha ka National People’s Party (NPP) hadien wa mih noh u naka Congress.
Hawa pdiang sñiawbha ya u Bajop cha ka Party, u heh dooh ka NPP, u Conrad K Sangma da ong u wa sñiawkmen u yeini i psiah u Bajop kawa dang pynyaar yeiwa em ka Party hapoh ka jylla wei daw pynkhlan chooh chooh ya ka Party kamjooh ya ka thong wow kreh neibynta ki paidbah.
Kam wow pynkynmoo wa u Bajop Pyngrope da mih u napoh ka Congress ha ka 28 tarik uni u bnai deiwa ong wa ka NPP toh du ka kawa da chimkhia wow pynbait ya u pood waka Assam heiwa heipor ka Congress hanla em ka Congress ha Assam wa ha Delhi leh ym em poi cheiwon cheiwon i pynbait pood.
U Bajop toh uwa da em hapoh ka Congress la 8 snem tangwa i man ka Congress katni toh iwa pyndooh mynsien ya oo.
Deilang wa u Bajop da psiah lang leh kiwa kyrchaan ya oo.
