• About Us
  • Contact Us
  • Privacy Policy
  • Advertise With Us
  • Terms & Conditions
Friday, July 4, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
Home Politics

Sah sa i e muhor ka Parliament yow pynbait khaddooh ya u pood, ym ye wow pynhun lut ya waroh: Conrad

Wyrta Staff by Wyrta Staff
March 31, 2022
Reading Time: 3 mins read
A A
0
Share on FacebookShare on Twitter

U Montri Rangbah ka jylla Meghalaya, u Conrad Kongal Sangma da ong u wa ka Parliament toh kawa ye u e muhor hawa yatoh wa u pood wa da ya mynjur da ka jylla Meghalaya wa Assam, hadien wa dadep wow mynjur da ki ar jylla wei da dep wow pyntip cha ka sorkar pyrdi ya i rai yong ki.

Da ong u wa kawa sah katni toh wow leh ya ka sorjamin da ka Survey of India ya kiwa ki ar jylla da tipmit nadooh ki chnong ki thaw wei lyngba ka sorjamin daw ye wow booh dak syndon nadooh neiwon hadooh heiwon toh kiwa cha Meghalaya wei kiwon cha Assam. Da ong wa ya ka sorjamin da phah wow leh lang da ka Syrvey of India wa ki ar jylla wei hadien wa dadep wow leh ya ka sorjamin, ka sorkar India daw wanrah ko ya ka Bill hapoh ka Parliament wow liar biang ya u pood u ang kawa man ka muhor kawa khaddooh.

Da ong u wa ini i kaam daw chimpor, tangwa da sñiawsuk wa ini i kaam won da lai ko deiwa pynrap wa ki paidbah hap ki wow sñiawthooh kawi wa em ka chahniah na waroh arliang ki ar jylla wa kamjooh kitu waroh kiwa embynta.

Da ong u wa waroh ki sahep sorkar hadooh ki District da pyntyllung ki ya ini i kaam wow pynbait pood. Da pyntip u wa hadien iwa jia ha West Khasi Hills wa ka Assam da lai seh moopood ko, da yaklam u wut wut wa u Montri Rangbah ka Assam, uwa da pynsñiaw yei sñiawkhia wa kam kini ym toh de u jia wei da yaklam u leh wa ki bor pynlai District ka Assam.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Conrad da ong u wa ya kam kini kiyi kiyi toh kiwa hap wow chimkhia khnang wow pyntikna wa ki kaam pynbait pood leh u lai ki wei i suk i saaiñ u neh ko ha ki khappood weiwa ki paidbah ym toh u chah ktah ki katwa dang lai ka pynbait pood.

Heiyatoh wa i wym hun ki seiñbhalang wa ka Liang Pyrchah yei ya soi ya ka soskular ha Delhi, u Conrad da ong u wa ye u man wa ka rai kawa ym ye wow pynhun lut ya waroh, tangwa ka sorkar ka pyrchang ko wow leh ya iwa bha tam neibhah kiwa boon ki thaw da yoh da ka Meghalaya, wei ha i jooh i rukom leh em kiwa lai cha ka Assam, deiwa pynrap wa ym ye wow kylla yurim katkam wa kwah neibhah da pynlai kamjooh wa ka ka Assam.

ShareTweetSendShare
Previous Post

Da pynlait ka sorkar jylla T. 60 klur, ka sorkar pyrdi T. 68 klur wow su ya ka tulop kiwa sikai SSA 

Next Post

Psiah noh u Bajop Pyngrope cha ka NPP

Related Posts

Politics

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025
Politics

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025
Politics

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025
Politics

Kyntait ka Agatha Sangma wow man ka kyrtong MP cha Rajya Sabha

May 29, 2025
Next Post

Psiah noh u Bajop Pyngrope cha ka NPP

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar