theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Sah sa i e muhor ka Parliament yow pynbait khaddooh ya u pood, ym ye wow pynhun lut ya waroh: Conrad

Advertisement ad1

U Montri Rangbah ka jylla Meghalaya, u Conrad Kongal Sangma da ong u wa ka Parliament toh kawa ye u e muhor hawa yatoh wa u pood wa da ya mynjur da ka jylla Meghalaya wa Assam, hadien wa dadep wow mynjur da ki ar jylla wei da dep wow pyntip cha ka sorkar pyrdi ya i rai yong ki.

Da ong u wa kawa sah katni toh wow leh ya ka sorjamin da ka Survey of India ya kiwa ki ar jylla da tipmit nadooh ki chnong ki thaw wei lyngba ka sorjamin daw ye wow booh dak syndon nadooh neiwon hadooh heiwon toh kiwa cha Meghalaya wei kiwon cha Assam. Da ong wa ya ka sorjamin da phah wow leh lang da ka Syrvey of India wa ki ar jylla wei hadien wa dadep wow leh ya ka sorjamin, ka sorkar India daw wanrah ko ya ka Bill hapoh ka Parliament wow liar biang ya u pood u ang kawa man ka muhor kawa khaddooh.

Da ong u wa ini i kaam daw chimpor, tangwa da sñiawsuk wa ini i kaam won da lai ko deiwa pynrap wa ki paidbah hap ki wow sñiawthooh kawi wa em ka chahniah na waroh arliang ki ar jylla wa kamjooh kitu waroh kiwa embynta.

Da ong u wa waroh ki sahep sorkar hadooh ki District da pyntyllung ki ya ini i kaam wow pynbait pood. Da pyntip u wa hadien iwa jia ha West Khasi Hills wa ka Assam da lai seh moopood ko, da yaklam u wut wut wa u Montri Rangbah ka Assam, uwa da pynsñiaw yei sñiawkhia wa kam kini ym toh de u jia wei da yaklam u leh wa ki bor pynlai District ka Assam.

U Conrad da ong u wa ya kam kini kiyi kiyi toh kiwa hap wow chimkhia khnang wow pyntikna wa ki kaam pynbait pood leh u lai ki wei i suk i saaiñ u neh ko ha ki khappood weiwa ki paidbah ym toh u chah ktah ki katwa dang lai ka pynbait pood.

Heiyatoh wa i wym hun ki seiñbhalang wa ka Liang Pyrchah yei ya soi ya ka soskular ha Delhi, u Conrad da ong u wa ye u man wa ka rai kawa ym ye wow pynhun lut ya waroh, tangwa ka sorkar ka pyrchang ko wow leh ya iwa bha tam neibhah kiwa boon ki thaw da yoh da ka Meghalaya, wei ha i jooh i rukom leh em kiwa lai cha ka Assam, deiwa pynrap wa ym ye wow kylla yurim katkam wa kwah neibhah da pynlai kamjooh wa ka ka Assam.

Share this:
Previous

Da pynlait ka sorkar jylla T. 60 klur, ka sorkar pyrdi T. 68 klur wow su ya ka tulop kiwa sikai SSA 

Next

Psiah noh u Bajop Pyngrope cha ka NPP