U MLA wa MDC warim ka Nongkrem Constituency, u Lambor Malngiang ynne ka sngi da lai psiah noh u cha ka seiñ wa em hei bor synhcaar ha ka jylla, ka National People’s Party (NPP) deilang ki spah ngut kiwa kyrchaan wa kiwa yahkhmat kiwa da psiahlang.
Ya u Lambor da pdiang sñiawbha cha ka NPP da u National President uwa man leh u Montri Rangbah ka jylla, u Conrad K Sangma, u State President, u Prestone Tynsong, u National Vice President, u Sniawbhalang Dhar wa kiwi de kiwa yahkhmat. Ha kani ka sngi da pynskem leh ya ka NPP Nongkrem Block.
U Lambor Malngiang da sdang u ya ki kaam saiñ hima sima ha u snem 2003 heiwa da jop nyngkong u ya ka Election MDC na Nongkrem na ka KHNAM. Ha u snem 2008 da chah pynrem noh u ha u MLA wa katni, u Ardent M Basaïawmoit uwa da jop kam u kyrtong ka UDP. Ha u snem 2013 u Lambor da yakhun biang u ya ka Election na ka Congress, tangwa da chah pynrem biang u ha u Ardent uwa da yakhun na ka HSPDP.
U Lambor da yoh u yei jop kam u MLA ka Nongkrem deiwa yaleh kam u kyrtong samen ha u snem 2018 deiwa pynrem ya u Ardent, tangwa ha u snem 2023 da yakhun u na ka UDP wei da rem biang u ha u Ardent uwa man leh u President ka seiñ thymme, ka Voice of the People Party (VPP).
Ha uni u snem 2025 u Lambor da yakhun biang u ya ka Election MDC kam u kyrtong khlem seiñ tangwa da chah pynrem u ha u kyrtong ka VPP.
Discussion about this post