Psiah Quarter Final ka 7 Wasa, Wahiajier wa ka Dulong ha ka Independence Cup 2017

Jowai: Ka Independence Cup U-16 2017 ynne ka sngi da em ki le tylli ki dhab wa da yoh u psiah Quarter Final.

Ha ka yalehke wa nyngkong hapyrdi ka Dulong wa ka Mookyndur da kut ko mar chi kool. Ya ka kool ka Mookyndur da thap da u Kynmo Phawa ha ka minit wa 36 katwa ya ka kool ka Dulong da thap da u Kevinson Rymbai ha ka minit wa 48.

Ha pyrdi ka Wahiajer wa ka Newhill ka Wahiajer da jop ko khlem sdang ka yalehke neidaw wa Newhill wan ko du 6 ngut donhi kiwa yalehke yong ka.

Ha ka yalehke wa bood ka 7 Wasa da pynrem ko ya ka Mukhla Raij da 3-0. Ya ki kool da thap da u Mandimiat Khonglah ha ka minit wa 10 wa 51 minit wa u Da-o-hi Sajiar ha ka minit wa 29.