Psiah Quarter Final ka Pasyih Cultural wa ka Pateinki Sabahmuswang ha ka 3rd Division ka WJDSA

Ka 3^rd Division ka West Jaiñtia District Sports Association (WJDSA) kawa tip leh kam ka 5th Adelbert Laloo Memorial Trophy da pyndep ko ya ki yalehke Pre-Quarter Final ynne ka sngi da ar tylli deilang wa kawi ka yalehke ka 2^nd Division kawa tip kam ka 8th Debo Shullai Memorial Trophy.

Ka yalehke wa nyngkong ka 3^rd Division da kut ko da 2-2 hapyrdi ka Pasyih Cultural wa ka Myrjai SC, kamtæ da hap pynman da ka yachut Tie-Breaker heiwa ka Pasyih da jop ko da 6-5.

Chwa ka yachut Tie-Breaker, ya ka Pasyih Cultural da thap kool da u Army Rymbai ha ka minit wa 19 wa u Seiborlang Dkhar ha ka minit wa 38 katwa ya ka Myrjai da thap da u Jumonki Phawa ha ka minit wa 62 wa u Wanphai Chyrmang ha ka minit wa 80+2.

Ha ka yalehke wa ar, ka Pateinki Sabahmuswang da jop ko ya ka West Madan Mustem da 2-0 da ki kool wa thap u Pynbaitmi Phawa ha ka minit wa 10 wa u Beloved Talang (Own Goal) ha ka minit wa 56.

Related posts

2nd Division TSA: Jop ka Laru wa ka Shiparalok

August 25, 2026

Pynman ka Kur Suchiang da ka 35 Above Football Tournament

August 24, 2026

Da ini i jop, ka Pasyih Cultural wa ka Pateiñki Sabahmuswang da yoh ki wow psiah Quarter Final.

Ha ka 2nd Division won, ka Khliehmynkrem da jop ko ya ka Risingsun Mukhla da 1-0 kawa thap da u Eurestos Mynthlu ha ka minit wa 49.