Jowai: Ha ka kyrdan 3rd Division ka WJDSA, ynne ka sngi da sdang ya ki yakhun yaknieh pisah Quarter Final heiwa da pynman ka yalehke ha pyrdi ka Shangpung Khliehmoochut waka Pasyih Cultural.
Ha kani ka yalehke ka Khliehmoochut da jop ko da 3-2.
Ya ka Khliehmoochut da thap kool da u Phrangshwa Mannar ha ka minit wa 23, u Banteilut Langstang ha ka minit wa 63 wa u Sanki Langstang ha ka minit wa 70. Ya ka Pasyih da thap u Shaniah Dkhar ha ka minit wa 21 wa u Deini Dkhar ha ka minit wa 34.
Da ini i jop ka Khliehmoochut da psiah Quarter Final.
Ha ka Super Division won, ka Khimusniang da pynrem ko ya ka Ladthadlaboh da 2-1.
Ka Ladthadlaboh da thap kool nyngkong ko ha ka kylla miet ha ka minit wa 68 lyngba u Hemanioo Lamare katwa ka Khimusniang won da ye ko u su kylliang ha ka minit wa 74 da ka kool wa thap u Allandonald Paslein.
Ka yalehke da yoo kamwa daw kut ko mar chi kool, tangwa ha ki minit wa khaddooh ka yalehke ka 90+3 ka Khimusniang da yoh ko u chut Penalty kawa thap da u Darimitre Syih.
Mynstep ha ka Super Division, Nangbah Mulang u yachem ko waka Chutwakhu heipor 2 waje i sngi.
Discussion about this post