Jowai: Ynne ka sngi ka yakhun Pre-Quarter Final yong ka 5th Invitation Knockout Football Tournament ha Wahiajer da pynman hapyrdi ka Ummulong wa ka Evergreen FC.
Ha kani ka sngi ka yakhun da kut ko mar 0-0 katwa kamtæ da pynman noh da ka yachut Tie Breaker heiwa ka Ummulong da jop ko da 5-4.
Ya i naam Man of the Match da yoh da u Pynsuk Pyrtuh Pale wei ya kani ka khusnaam da ekti da u K Pala uwa man uwi na ki waheh ka chnong Wahiajer.
Ka yakhun wa bood u man ko ha ka 22 tarik hapyrdi ka ka Mukhla Raij pyrchah ya ka Combine FC heipor 2:00 waje i sngi.
Discussion about this post