December 13, 2018
Jowai: Ka 4th Invitation Knock Out Football Tournament kawa da pynman da ka Moodymmai Sport Club da man ko kawa lai bait ynne ka sngi ha Moodymai.
Ynne ka sngi ka Wahiajer SC da jop ko ya ka Mookyndur SC da 1-0.
Ya kani ka kool ka Wahiajer SC da thap da u Wallamsuk Nongkhlaw haka minit kawa 65 wei lyngba ini i jop da psiah noh ko cha ka Quarter Final pyrchah ya ka Sohryngkham FC.
Kam wow pynkynmoo heini, ya kiwa jop ha kani ka lympung u yoh ki ka song poisa wa T. 2 lak, kiwa rem won T. 1 lak.
