Psiah Quarter Final saka Panaliar, Mookyndur wa ka Ladthadlaboh ha ka Independence Cup

Jowai: Ha ki yalehke ka Independence Day Cup U-16 2018 wa pynman da ka WJDSA da pyndep ya ki yalehe ke Group Stage ynnin ka sngi.

Ha ka yalehke wa nyngkong hapyrdi ka Panaliar waka Mynthong da kut ko 1-1.

Ya ka Mynthong da thap kool u Hep Rupsi ha ka minit wa 6 katwa ya ka Panaliar da thap kool u Sam Owan Sumer ha ka minit wa 52, kamtæ ka Panaliar da psiah ko cha ka Quarter Final.

Ha ka yalehke wa bood ka Mookyndur da pynrem ko ya ka Salini da 2-0 lyngba ki kool wa thap u Holinsin K. Bithai ha ka minit wa 57 wa 59. Kamtæ ka Mookyndur da psiah Quarter Final ko.

Ka Ladthadlaboh da pynrem ko ya ka Caroline da 1-0 da ka kool u Chanmiki Phawa wei da yoh ko u psiah Quarter Final.

Related posts

Poi ka 1st Volleyball Open to All Tournament ka West Jaiñtia Volleyball Association cha wakut

February 3, 2026

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Ya ki Quarter Final u sdang nadooh mynstep ka 6 tarik da ka yalehke hapyrdi ka Dulong waka Mookyndur heipor 11 waje i step.

Ha ka 7 tarik daw yaleh ka Ladthadlaboh pyrchah ya ka Panaliar, ha ka 8 tarik u yachem ka Mukhla Raij ya ka Chilliangraij katwa ha ka 9 tarik won ka Iawmulong Nartiang daw yachem ko ya ka Mookyrdup wei kini ki yalehke waroh u man ki heipor 3 waje nohchariñ ka sngi.