Ka 1st Division 2026 (Thomas Nongtdu Memorial Trophy) wa ka Super Division 2026 (6th Kyrmen Shylla Contribution Trophy) ka East Jaintia Hills District Football Association (EJHDFA) dapoi ki cha ka sngi wa arphaw-wi ynne.
Ha ka 1st Division, ka Khliehriat East YWSC da jop ko da 2-1 ya ka Ladrymbai-B SC. Ya ka Khliehriat East da thap da u Kyntulang Nongwa ha ka minit wa 28 wa 36 katwa ya ka Ladrymbai-B da thap da u Amasjune Phawa ha ka minit wa 61.
Da ini i jop, ka Khliehriat East YWSC da yoh ko wow psiah Quarter Final deilang ka Musniang SC na ka Pool A.
Ha ka Super Division, ka R.Shkenshynriah SC da rem ko da 4-1 ha ka Wahiajer Narpuh SSC.
Ya ka Wahiajer Narpuh da thap da u Francio Sumer ha ka minit wa 8, u Renaldo Rymbai ha ka minit wa 55 (OG), u Ailan Donald Paslein ha ka minit wa 85 wa u Meban Sumer ha ka minit wa 86 katwa ya ka R. Shkenshynriah da thap da u Matthew Bareh ha ka minit wa 61.
Discussion about this post