Ka 2nd Division ka Thadlaskein Sports Association (TSA) kawa tip leh kam ka (L) Joybell Suiam Memorial Football League 2026 da pteiñ ka ynne ka sngi da ar tylli ki yalehke Pre-Quarter Final heiwa da sdang leh ya ka 1st Division.
Ha ka 2nd Division, ka Maskut da jop ko ya ka Laru SC da 5-3 deiwa yachut Tie-Breaker hadien wa kut ka yalehke da 0-0.
Ha ka yalehke wa ar, ka Shillong Police da jop ko ya ka Iawthymblein da 5-0 deiwa yoh Hat-Trick u Iohbor Nonglyer uwa da thap ha ka minit wa 35,63 wa 70 wa u Angisius Mukhim ha ka minit wa 24 wa 66.
Ha ka 1st Division kawa tip leh kam ka Hajan Shylla Memorial Football League, ka Umjlasiaw da jop ko ya ka Dongmihsngi da 1-0 da ka kool wa thap u Wad Siangshai ha ka minit wa 63.
Ki yalehke mynstep 2nd Division:
Lumkynsaw Vrs United FC (9AM)
Thadmusem vrs Bamkamar (11Am)
Ka 1st Division u pteiñ ha ka 7 tarik hapyrdi ka Tyrshang SC wa ka Bamkamar Wah.
Discussion about this post