Psiah Quarter sa ka Azad AFC2 waka KSF FC ha Pdengshakap

Ka 11th Secondary School Invitation Football Knock Out Tournament kawa da pynman ha madan Pdengshakap da pteiñ biang ya ki yalehke 2nd Round kiwa da pynman ar tylli ynnin ka sngi.

Ha ka yalehke wa nyngkong, ka Azad AFC2 da jop ko ya ka DC da 4-3 deiwa yachut Tie-Breaker hadien wa kut ka yalehke da 2-2.

Ya ki ar kool yong ka DC da yoh u thap da u Shongsuk Jungai haka minit wa 14 wa u Fred Lamare haka minit wa 36 katwa ya ki kool yong ka Azad AFC2 won da thap da u Wadshwa Lato haka minit wa 38 wa u Bachan Pale haka minit wa 70.

Ha ka yalehke wa ar won, ka KSF FC da jop ko yaka Golden Lion Syndai da 2-0 kiwa thap da u Owan Pajuh haka minit wa 60 wa u Aenam Jyrwa haka minit wa 70.

Related posts

Yoh pynlait ka KSU Delhi Unit sa kawi ka kynthai na East Jaiñtia Hills kawa da em hei maa

May 14, 2025

Lai pait u Conrad ya ka paikhana skur wa chna da ki Plastic wa da noh

May 14, 2025

Kini waroh ar deiwa jop da yoh ki leh wow psiah Quarter Final.

Ka yalehke 2nd Round wa khaddooh u pteiñ biang ha kani ka 15 tarik hapyrdi ka YC Pdengkarong waka Nongdawah SC (Mawryngkneng) heipor 2:00 waje i sngi.