U Chief Minister ka Manipur, u N Biren Singh, ynne da e u ya ka chithi cha u Lat ka jylla u Ajay Kumar Bhalla wow ieh noh ya ka chuki wa ksoh u kam u Chief Minister.
Ha kani ka chithi ieh kaam da ong u wa da man ko i burom ya oo wow yoh u chakri ya ka Manipur wei da sñiawngooh u ya ka sorkar pyrdi yeiwa boon wa da leh da yarap ko nadooh ki kaam pynroi wei wow yada ya iwa emkaam yong uwi pa uwi wa chong chnong ka Manipur wei da kyntu u leh wow pteiñ ko yeini i kaam wa bha.
Da ong u wa iwa emkaam dooh toh wow pynneh pynsah yei man ka Manipur kam ka jylla nadooh ka riti dustur wa i stat wa da em ha ka da ki hajar snem.
Iwa emkaam leh toh wow yada na kiwa wan psiah tooh wei wow pynuiñ leh ya kitu kiwa da chong chnong pyrchah ya ka aiñ najrong wow yaleh pyrchah yei drugs wa kitu kiwa da pynman da ka thma neibynta wow pynlai yaaw yei drugs.
Da dawa leh wow pynsmat yei leh yow pyntikna kiwon kiwa chong chnong wa paka wei wow pynbait leh ya u pood deiwa booh dei por.
U N Biren Sing toh uwa da man kam u Chief Minister ka Manipur nadooh u snem 2017.
Ini i hiar chuki u man i leh chi sngi chwa wa hap u wow yaleh pyrchah ya ka No Confidence Motion wa da wanrah pyrchah ya oo wei chwa ini da wan u leh na Delhi yow yachem wa u Home Minister ka ri, u Amit Shah.
Da em leh boon i ood i naam pyrchah ya u Biren Singh wot ki MLA ka BJP kiwa da maham wow lai chong noh cha ka liang pyrchah.
Discussion about this post