Psiah Quarter sa ka Byndihati, Rymbai, Sham Sham wa Khliehriat ha ka Subroto Cup

Ka Subroto Mukherjee Cup Football Tournament 2024 wa pynlai da ka yung krehkaam ka District Sports Office, East Jaiñtia Hills da poi ko cha ka sngi wa san ynnin deiwa pynman soo tylli ki yalehke ka U-17 Boys wa kawi ka U-17 Girls.

U-17 Boys

Ka Rymbai Presbyterian HS School da jop ko ya ka Little Star Academy da 9-0 da ki kool wa thap u Deiwamut Syiem ha ka minit wa 22, 27, 38, 58, u Ebener Dkhar ha ka minit wa 46, 49 wa 59, u Eshawmi Syrti ha ka minit wa 53 wa u Lalrin Gideon Thianglai (OG) ha ka minit wa 57.

Ka Sham Sham Secondary School da jop ko ya ka Holy Trinity Secondary School da 1-0 da ka kool wa thap u Fadimod Phawa ha ka minit wa 58.

Ka Khliehriat Higher Secondary School da jop ko ya ka Chiehruphi Secondary School da 2-0 da ki kool wa thap u Esbunme Rymbai ha ka minit wa 35 wa u Silas Pamblang ha ka minit wa 50.

Related posts

Jop ka Mupyut Dongwah ha ka 1st Division, khlem em wa jop ha ka 2nd Division ka ASSA

October 26, 2026

Super Division EJHDFA: Jop ka Chiehruphi wa ka Wahiajer Narpuh, hiar kyrdan ka Skhenshynriah wa ka Thangskai

October 26, 2026

Ka Byndihati Secondary School da jop ko ya ka Sutnga Presbyterian Secondary School da 1-0 da ka kool wa thap u Luckystar Lapasam ha ka minit wa 35.

Ini mut i wa da psiah Quarter Final ka Rymbai Presbyterian HS School, ka Sham Sham Secondary School, ka Khliehriat HS School waka Byndihati Secondary School.

Kiwa da dep yoh u psiah Quarter Final chwa toh ka Little Star Secondary School, ka Lotus Secondary School, ka Divine Word Secondary School waka Wapung Higher Secondary School.

U-17 Girls

Ka Dkhiah East Secondary School da jop ko ya ka Seiñraij Secondary School da 2-0 da ki kool wa thap da ka Amethis Darnei ha ka minit wa 7 wa 24.