Ka 8th Invitation Knockout Football Tournament wa pynman da ka Wahiajer Sport Club da pteiñ biang ya ka ynne ha Wahiajer Sports Complex da ka yalehke wa 22 kani ka lympung yalehbol kawa man leh ka yalehke wa san ka Pre-Quarter Final.
Ha kani ka yalehke ka Nongdawah SC da jop ko ya ka Ladthalaboh SC da 7-2 weiwa ka Nongdawah SC u psiah noh ko cha ka Quarter Final.
Ya ki kool ka Nongdawah SC da thap da u Banker Mynsong ha ka 32 wa 66 minit, u Dibinroy Nongspung ha ka 55 wa 61 minit, Walllamsuk Nongkhlaw ha ka 70 minit, Kyrmen Nongpluh ha ka 74 minit, u Twin Syngkong ha ka 78 minit.
Ya ki kool ka Ladthalaboh SC da thap da u Lammida oo Dkhar ha ka 37 wa 79 minit.
Ya i naam Man of the Match da yoh da u Dibinroy Nongspung wei ka yalehke Pre Quater Final wa bood u man ko ha ka 19 tarik hapyrdi ka 11 Deilang FC pyrchah ya ka Chaphrang Iong i FC heipor 1:30 i sngi.
Discussion about this post