Psiah Semi Final ka De.L.Ed FC wa ka Never Give Up FC ha ka yaleh bol ha Madur

Jowai: Ka 4th Invitation Knock Out Football Tournament 2018-2019 kawa pynman da ka Dian Sport Club Madur da pyndep ya ki yalehke Quarter Final hapyrdi ka De.L.Ed FC pyrchah ya ka Pnar United FC heiwa ka De.L.Ed FC jop ko da ka ya chut Tie-Breaker da 6-5.

Ha ka yalehke Quarter Final wa bood hapyrdi ka Lumdieñling SC pyrchah ya ka Never Give Up FC, ka Never Give Up FC da jop ko ya ka Lumdieñling da 2-0.

Ka yalehke Quarter Final wa khaddooh u man ko mynstep ka sngi 10 tarik hapyrdi ka Friends United FC Khliehtyrshi wa ka Lumkynsaw SC heipor 2 waje i sngi.