Jowai: Ynne ka sngi ha ka 3rd Division, ka WJDSA da pyndep ko sa ya ki ar tylli ki Quarter Final heiwa nyngkong da pynman ya ka yalehke hapyrdi ka Dongmihsngi waka Mookaswan.
Ka Dongmihsngi da jop ko ya ka Mookaswan da 6-5 lyngba ka yachut Tie-breaker hadien wa ka yalehke da kut ko da 1-1 heiwa ya ka Dongmihsngi da thap kool da u Aiborlangmiki Lyngdoh ha ka minit wa 34 katwa ya ka Mookaswan da thap da u Loukas Ryngkhlem ha ka minit wa 51.
Ha ka Quarter Final wa bood ka Iawmulong Nartiang da pynrem ko ya ka Shangpung Khliehmuchut da 1-0 da ka kool wa thap u Living Suja ha ka minit wa 7.
Kamtæ ka Dongmihsngi waka Iawmulong Nartiang da psiah Semi Final ki.
Ya ki Semi Final u pynman ha ka 13 tarik uni u bnai heipor 12 waje pyrdi sngi hapyrdi ka Moodymmai waka Dongmihsngi pynbood sa ka Mooknor pyrchah ya ka Iawmulong Nartiang heipor 2 waje i sngi.
Discussion about this post