Ka Senior Football League wa pynman da ka Thadlaskein Sports Association (TSA) da pteiñ biang ya ka ynnin deiwa sdang ya ki yalehke Quarter Final ha madanbol ka Khliehtyrchi.
Ha ka Quarter Final wa nyngkong ka Kyor Tyrkhang da jop ko yaka Thadlaskein Veteran da 1-0 da ka kool wa thap da u R.C. Roland haka minit wa 6.
Ha ka Quarter Final wa ar, ka Tympang Club Wahiajer da jop ko yaka United XI Moodymmai da 2-1. Ya ki kool ka Tympang Club Wahiajer da thap da u Pynsuk Shylla haka minit wa 19 wa ha ka minit wa 54 katwa ya ka United da thap da u Solomon Chullai lyngba ka Penalty.
Ini mut i wa ka Kyor Tyrkhang waka Tympang Club Wahiajer da yoh ki wow psiah Semi Final.
Discussion about this post