Ynne ka sngi ka Mainroad SC da psiah ko cha ka Semi Final hadien wa pynrem ko ya ka 9 Brother FC lyngba ka Tie Breaker.
Ka yakhun hapyrdi kini ki arliang da man ko kawa yoosuk bha heiwa hadooh wa kut i por yaleh ym em wa ye u pynkhih ya ka jaar.
Ka yakhun Quarter Final wa bood u man ko mynstep ka 24 tarik heipor 12:30 i sngi hapyrdi ka Mynsgat SC pyrchah ya ka Tia Chaphrang.
Kam wow pynkynmoo heini, kani ka lympung toh kawa da pynlai da ka FKJGP Nartiang Area Unit, heiwa kiwa jop u yoh ki T. 2 lak katwa kiwa rem ha ka Final won T. 1 lak.
