Mawryngkneng: Ka dhab wa pawnaam na Shillong ka Eastern Pirate da chah pynrem ko khlem poi pyrkhat ha ka Mawryngkneng da 4-1 ha ka yakhun wow yaknieh psiah cha ka Semi Final yong ka 4th Mawryngkneng Invitation Football Tournament 2018.
Kani ka yalehke da man ko kawa chongchit wei kawa yoosuk heiwa waroh arliang da em ki kiwa yalehke kiwa em sap kawa da pynhun ya ki paidbah wa wan paitke.
Ha ka kylla step, ka Mawryngkneng da yoh ko wow pynkhih jaar nyngkong ha ka minit wa 17 lyngba ka Freekick kawa chut da u Ronald wei pyn haka minit wa 31 ka Mawryngkneng da yoh ko wow ban sa chi kool lyngba ka Penalty wa yoh u thap suk da u Smith wei da kut ka kylla step da 2-0.
Ha ka kylla miet ka Mawryngkneng ym em pynjem ko wei ha ka minit wa 66 ya ka bol wa chut uwa yang kool ka Mawryngkneng da hær ko wei deiwa smat uwa yaleh ka Mawryngkneng da ye u pynyait ya uwa yangdien ka Eastern Pirate wei da thap ya ka kool wa le ka Mawryngkneng.
Hadien wa chah thap le kool ka Eastern Pirate da sdang ko wow leh dohyap wei ha ka minit wa 71 da yoh ko u thap chi kool lyngba u Bicky Kharkongor tangwa ka Mawryngkneng da pyntam ko sa kawi ka kool ha ka minit wa khaddooh da ka kool wa thap u Smith ha ka minit wa 80+1.
Kamtæ ka Mawryngkneng da jop ko da 4-1 wei da psiah ko cha ka Semi Final wei daw yahcem ko ya ka Nongdawah SC ha ka Semi Final.
Ha kani ka sngi u Bantei da yoh u yei naam Man of the Match.
Discussion about this post