Psiah Semi Final ka Mukhla Raij, Ialong Mulang, Panaliar waka Lumpariat ha ka 4th Republic Day Cup

Jowai: Ka 4^th Republic Day Cup U-12 Football Tournament wa pynman da ka WJDSA, ynne ka sngi da pyndep ya ki yalehke Quarter Final.

Ka Panaliar da pynrem ko ya ka Luti Tuber Ialong da 4-0. Ki kool da thap da u Lamanki Shylla ha ka minit wa 4, u Sauni Sumer ha ka minit wa 18, u Markatjuh Shylla ha ka minit wa 28 wa u Porki Thma ha ka minit wa 40.

Ka Ialong Mulang da pynrem ko ya ka Sabah Muswang da 4-0. U Teimi Phawa u yong ka Sabah Muswang da thap da thap bakla u ya ka kool ha ka minit wa 22 min, u Nidaroi Mulieh ha ka minit wa 26 wa u Sarbaitki Lhuid ha ka minit wa 46 wa 54.

Ka Lumpariat da pynrem ko ya ka Iongpiah da 1-0 da ka kool wa thap u Tony Kordor Ryngkhlem ha ka minit wa 20.

Related posts

Rs. 2,10,000 lak ka song poisa ka 10th Open to all Knock-Out Football Tournament Fixed Prize Money 2026

March 9, 2026

Ym khang de ya kiwa yalehke Cricket ha Meghalaya wow chimbynta ki ha ki yalehke Tennis Ball

March 8, 2026

Ka Mukhla Raij da pynrem ko ya ka Dulong da 3-1. Ya ki kool ka Mukhla da thap u Yoshar Mukhim ha ka minit wa 50,67 wa 68. Ka kool ka Dulong da thap u Armanki Rabon ha ka minit wa 6.

Ki Semi Final u pynman mynstep heipor 9:30 i step hapyrdi ka Mukhla Raij waka Ialong Mulang wa heipor 11 waje hapyrdi ka Panaliar wa ka Lumpariat.