15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ym yahaap ka AJYWO yei daw wa e u Dr. Mukul hawa kyrriah ya ka C&RD BLOCK na Wapung

0 Comments

Khliehriat: Ka AJYWO Central Body da sñiaw phylla ko wei ym ye ko u pdiang yei pynche u Dr. Mukul Sangma deiwa ong u wa i jngai na Wapung na Khliehriat man ko du 10 Km wei na Jowai cha Wapung em ko du 22 Km na Khliehriat wei du na kini ki daw da kyrriah ya ka Wapung C&RD Block cha Lumshong.

“Lada kamni, u Montri Rangbah yong i wiar u cheiwon nadooh u snem 2014 hadooh uni u snem wei ymtip u yeini waroh wym yahaap u u booh ya ka C&RD Block ha Wapung hadooh wa haap kyrriah u ya ka cha Lumshnong?” da kylli u M H Dkhar, President, ka AJYWO Central Body.

Advertisement ad1

Chooh chooh da kylli u wa lada ym yoo biang ya ka Wapung iyi i daw wa pynbna ya ka Wapung kam ka C&RD Block?

“Nga ympoi pyrkhat O waka sorkar hapoh i yahkhmat u Dr. Mukul u leh ki ya ini waroh heiwa ki ar dorbar chnong kiwa da kreh chitom la 4 snem wow pynyoh ya kani ka Wapung C&RD Block wei du hapoh 8 bnai da chah pyndooh ko,” da kylli u Dkhar.

Lada kamni ka seiñ da ong ko kammon u jia ya kiwa pli kiwa chong chnong Wapung wa ki chnong wa em cha kani ka thaiñ.

Da pteiñ deiwa ong wa deiwa leh kaam politics ki bru samwn hei pyrtuid ka roi ka paar kawa neh du 8 bnai lada mih iwon iwon i awri awari yi wow bahkhlieh da kylli u Dkhar ya ka Sorkar.

Share this:
Previous

Hadooh 2 kynta chimpor wow lai na Mawsynram cha Dangar neidaw wa sih ware u sarok wa du 39 Km

Next

Psiah Semi Final ka Mukhla Raij, Ialong Mulang, Panaliar waka Lumpariat ha ka 4th Republic Day Cup

0 Comments

Leave a Reply