Psiah Semi Final ka Nangbah SA ha ka 2nd Division

Jowai: Ha ka yalehke Quarter Final wa soo ka 2^nd Division ka WJDSA, ynne ka sngi da pynman hapyrdi ka Nangbah SA kawa pynrem ya ka Panaliar da 1-0.

Ya ka kool pynpsiah Semi Final ya ka Nangbah SA da thap da u Wom Pasi ha ka minit wa 45.

Ya ki Semi Final ka 2^nd Division u pynman ha ka 08-10-18 ha pyrdi ka Lumpyrtuh Mihmyntdu pyrchah ya ka Khliehmyntang Ialong heipor 2:15 i sngi.

Ka Semi Final wa ar won u pynman ha ka 09-10-18 hapyrdi ka Nangbah SA pyrchah ya ka Mukhla Evergreen heipor 2:15 i sngi.

Ha ka 2^nd kiwa da chah pynhiar kyrdan cha ka 3^rd Division toh ka Mookyrdup SC waka Riatsaliya Mihmyntdu.

Ha ka yalehke 1^st Division won haprydi ka Ladthadlaboh waka Luti Tuber Ialong da kut ko da 1-1.

Ya ka Ladthadlaboh da thap kool da u Dawanmonmi Mynsong ha ka minit wa 18 katwa ya ka Luti Tuber Ialong da thap da u Nudeisa Dhar ha ka minit wa 75.

Kamtæ ka Lumiawmuchai Shangpung waka Nangbah Iawmusiang da yoh ki u psiah Semi Final.

Ha ka 1^st Division kiwa da chah pynhiar kyrdan cha ka 2^nd Division toh ka Luti Tuber Ialong waka Phramer.

Mynstep ka Wahiajer u yachem ko waka Demthring ha ka 1^st Division wow yaknieh psiah Semi Final.