Ka Dorbar Chnong Pdengshakap kawa pynlai ya ka lympung yalehbol kawa tip kam ka 8th Secondary School Invitation Football Knock-Out Tournament 2021-22, ynnin ka 19 tarik da dep ki wow pynman ya ki yakhun Quarter Final heiwa ka Nohron SC da jop ko ya ka Galaxy FC da ka yachut Tie-Breaker.
Ha kani ka yalehkeke, ka Nohron SC da yoh chwa ko wow thap kool ha ka minit kawa 6 lyngba u Batskhem Thangkhiew tangwa ka Galaxy FC da yakhun ko deiwa eh yow yoh u pynuiñ chi kool ha ka minit wa 30 wa thap da u Precious Kharbhih.
Hawa rah ya ka yalehke cha ka yachut Tie-Breaker ka Nohron SC da jop ko da 4-5.
Ha i por 2 waje ha ka Quarter Final wa bood, ka Tariang FC da jop suk ko ya ka Amlanai Young Boys da 4-0 heiwa ya kini ki kool da thap da u Wallam Nongkhlaw haka minit kaba 20, 42 u Shano Tariang ha ka minit 54 minit katwa ka kool wa khaddooh da yoh thap da u Hardicliff Nongbri haka minit wa 80.
Neiliang u Sports Secretary, u Oriswell Khyriem da pyntip u wa ka yalehke Quarter Final daw pteiñ biang ya ka ha kani ka 26 tarik heipor 12:00 waje i sngi hapyrdi ka 7-Wasa United waka Sam FC katwa heipor 2:00 waje won ka Shkenpyrsit SC daw yaleh pyrchah ko yaka Pohplet FC.
