Psiah Semi Final ka Nonglatem wa Lumkhangdong Kyndongtuber ha ka 3rd Division ka WJDSA

Ki yalehke ka 3^rd Division kawa tip leh kam ka 5^th Adelbert Laloo Memorial Trophy dapoi ko cha ki yalehke Quarter Final da ar tylli ynne wei da pynman leh kawi ka yalehke 2^nd Division kawa tip kam ka 8^th Debo Shullai Memorial Trophy ka West Jaintia District Sport Association (WJDSA).

Ha ka yalehke wa nyngkong ka 3^rd Division, ka Nonglatem da jop ko ya ka Da-I-Hi Mynsngat da 2-1.

Ya ka Nonglatem da thap da u Healthiest Lamare ha ka minit wa 29 wa u Pyndap Muktieh ha ka minit wa 35 katwa ya ka Da-I-Hi Mynsngat da thap da u Pynskem Mukhim ha ka minit wa 38.

Ha ka yalehke wa ar, ka Lumkhangdong Kyndongtuber da jop ko ya ka Youth Welfare Iooksi SC da 3-1.

Ya ka Lumkhangdong Kyndongtuber da thap da u Pynshaiburom Phawa ha ka minit wa 5, u Hailan Shylla ha ka minit wa 64 wa u Medawan Phawa ha ka minit wa 74 katwa ya ka Youth Welfare Iooksi da thap da u Wompher Tangliang ha ka minit wa 70.

Related posts

Psiah Quarter Final ka Musniang wa ka Bataw ha ka 1st Division ka EJHDFA

September 20, 2025

Jop ka Rymbai Wahshnong wei psiah Quarter ka Byndihati ha ka 1st Division ka EJHDFA

September 19, 2025

Kamtæ ka Nonglatem wa ka Lumkhangdong Kyndongtuber da yoh ki wow psiah Semi Final.

Ha ka 2^nd Division, ka Giovento Mynso da jop ko ya ka Shangpung Khliehmuchut da 2-1.

Ya ka Giovento Mynso da thap da u Lighting Syntem ha ka minit wa 22 wa 80+3 katwa ya ka Shangpung Khliehmuchut da thap da u Samedahun Papang ha ka minit wa 70.