Psiah Semi Final ka Riatsaliya Mihmyntdu wa ka Pasyih Cultural ha ka 3rd Division ka WJDSA

Ki yalehke ka 3^rd Division kawa tip leh kam ka 5^th Adelbert Laloo Memorial Trophy da pteiñ ki da ki yalehke Quarter Final da ar tylli ynne wei da pynman leh kawi ka yalehke 2^nd Division kawa tip kam ka 8^th Debo Shullai Memorial Trophy ka West Jaintia District Sport Association (WJDSA).

Ha ka yalehke wa nyngkong ka 3^rd Division, ka Riatsaliya Mihmyntdu da jop ko ya ka Mookymphad Mihmyntdu da 2-0 da ki kool wa thap da u Meban Kharsotti ha ka minit wa 25 wa u Ishanroi Pde ha ka minit wa 74.

Ha ka yalehke wa ar, ka Pasyih Cultural SC da jop ko ya ka Pateinki Sabahmuswang da 2-1.

Ya ka Pasyih Cultural da thap da u Seiborlang Dkhar ha ka minit wa 23 wa u Ribait Dkhar ha ka minit wa 34 katwa ya ka Pateinki Sabahmuswang da thap da u Wanriki Lyngdoh ha ka minit wa 68.

Related posts

Thung ka MFA da u Stanley Rozario kam u Head Coach yow pynkhreh ya ka National Games

September 8, 2026

Yoh Takma Rupa ka khyllood na India wa rah yei khia wa le chah ya ka

September 8, 2026

Da ini ijop, ka Riatsaliya Mihmyntdu wa ka Pasyih Cultural da yoh ki wow psiah Semi Final.

Ha ka 2^nd Division, ka Dongmihsmgi SC da jop ko ya ka Moosalyngkat SC da 6-1.

Ya ka Dongmihsmgi da thap da u Ewanmida Oo Langstamg ha ka minit wa 11, u Evening Tariang ha ka minit wa 28 wa 60, u Lalrin Kima Nampui ha ka minit wa 54 wa u Romeo Lyngdoh ha ka minit wa 58 wa 71 katwa ya ka Moosalyngkat da thap da u Rihokmiki Chyrmang ha ka minit wa 46.