Jowai: Ha ka lympung yalehbol wa pynman ka WJDSA ynne ka sngi da tip ya kiwa yoh u psiah Semifinal nyngkong ha 1st Division wa ka 2nd Division.
Ha ka Quarter Final ka 2nd Division, ka Khliehmyntang Ialong da yachem ko wa ka Lumpyrdi Mihmyntdu heiwa ka Khliehmyntang da jop suk ko da 4-0.
Ya ki kool da thap u Daniel Dhar ha ka minit wa 32 wa 52, u Casper Lhuid ha ka minit wa 43 wa u Damepynbiangki Dhar ha ka minit wa 63.
Ha ka 1st Division won ka Sabah da pynrem ko ya ka Nangbah Iawmusiang da 1-0. Ya ka kool da thap da u Damechwa Dkhar ha ka minit wa 77.
Kamtæ ka Sabah da yoh ko u psiah cha ka Semi Final deiwa yoh ko 10 Point na ki 5 tylli ki yalehke wa da pyndep ko.
Ha ka 1st Division ym em Quarter Final heiwa kiwa heh point toh kiwa psiah bait cha ka Semi Final.
Discussion about this post