Ynne ka sngi ka Mynsngat SC da psiah ko cha ka Semi Final deiwa pynrem ya ka Tia Chaphrang FC da 2-0.
Ya kini ki kool ka Mynsngat SC da thap da u Remark Kharmalki ha ka minit wa 6 wa na u Pynbha Suting ha ka minit wa 30.
Ka yakhun Quarter Final wa bood u man ko ha ka 08-01-22 heipor 12:30 i sngi hapyrdi ka Chiruplang FC pyrchah ya ka YBSC Shella.
Kani ka lympung toh kawa da pynlai da ka FKJGP Nartiang Area Unit heiwa kiwa jop u yoh ki ya ka song poisa wa T. 2 lak katwa kiwa rem ha ka Final won u yoh ki T. 1 lak.
