Jowai: Ha ka yalehke Quarter Final wa khaddooh ka Moopala 1st Money Knock Out Football Tournament 2019, ynne ka sngi da pynman hapyrdi ka Nongrim Hills SC (Latyrke) pyrchah yaka Khliehriat West SC.
Ka yalehke da man ko kawa yoosuk bha kawa pynhun ya ki paidbah wa paitke neidaw wa yatoh bor ki ar liang. Ka kylla step da kut ko khlem em wa thap kool tangwa haka 68 minit ka kylla miet, ka Nongrim Hills SC (Latyrke) da yoh ko wow thap chi kool kawa pynjop yaka Khliehriat West Sc da 1-0.
Ya ka kool pynjop da yoh wow thap dau Zoasa kawa wan lyngba ka Free Kick wei da man ko ka kawi na ki kool wa yoobang dooh hapoh kani ka Tournament hadooh kattæ.
Da ini i jop ka Nongrim Hills SC (Latyrke) da yoh ko wow psiah cha ka Semi Final.
Ka Semi Final kawa nyngkong u man ko ha ka 16-10-19 heipor 2 waje i sngi hapyrdi ka Nongrim Hills SC (Latyrke) pyrchah yaka Mynthning SC.
Discussion about this post